This combination does not exist.
تقول شيماء الجمَّال عن كتابها : ««سنة أولى نفسية» كتاب هيساعدك تفهم ذاتك وتصاحبها، وتحب جسمك، وتحترم نفسك جوه علاقاتك». وتضيف الكاتبة: «في سنة 2016 اتشخصت باضطراب وجداني ثنائي القطب، ومن يومها حياتي اتغيرت، ومن يومها وأنا باقرأ بشكل مكثف في الصحة النفسية، وباحضر جلسات علاج نفسي، فردية وجماعية، بشكل منتظم، وباكتب كل اللي باتعلِّمه فيها، وبدأت من سنتين الدراسة المتخصصة». وتوضح: «في أول الرحلة كنت متلخبطة، وكانت الكتب النفسية العلمية معقدة عليا وصعبة، وكان نفسي أقرأ كتب بسيطة تاخدني في رحلة فهم الذات والعلاقات، وبعد ما مشيت خمس سنين كاملة في الكتابة والدراسة قررت إني أحاول أقدِّم الكتاب ده؛ كتاب يساعد كل شخص يبدأ المشوار، كتاب ينوَّر شوية مفاهيم صعبة ويوصَّلها بشكل بسيط للي لسه بيبدأوا طريق الوعي النفسي».
